Pumares presenta 23 enmiendes a un presupuestu autonómicu con "múltiples faltes"

El PP pide la dimisión de Peláez "por mentir o por ser un indocumentáu"

El diputáu de Foro Asturias, Adrián Pumares, rexistró ventitrés enmiendes al presupuestu autonómicu de 2025 por un importe d'unos 5 millones d'euros, al entender que les cuentes tienen "múltiples faltes" y cunten con un "ampliu marxe de meyora".

En rueda de prensa, el dirixente forista presentó la batería d'enmiendes, principalmente en materia d'educación, infraestructures, mediu rural y bienestar, que va defender nel plenu de la Xunta Xeneral d'esti vienres nel que se va dar lluz verde al documentu económicu al cuntar el Gobiernu de coalición col votu a favor de la diputada Covadonga Tomé.

"Esta selmana vamos tomar la decisión afayadiza", dixo Pumares sobro la posición que va adoptar na votación definitiva d'unos presupuestos con unes "faltes imposibles de solucionar nel trámite d'enmiendes" al empar qu'almitió la so "voluntá negociadora" y tamién la del Executivu asturianu.